na main hun yahan ab na tera nishan hai

na maiñ huuñ yahāñ ab na terā nishāñ hai

faqat ranj-e-hijrāñ faqat ik fuġhāñ hai

har ik shaḳhs chehre pe pahre lagā.e

ye kaisī 'adālat ye kaisā samāñ hai

vafāoñ kā badla yahāñ be-vafā.ī

'ajab rasm-e-duniyā 'ajab kārvāñ hai

kabhī ghar jalā aur kabhī ḳhvāb bikhre

sitam hī sitam hai sazā hī yahāñ hai

mire dard kā koī darmāñ nahīñ hai

faqat apnī hastī meñ apnī hī jaañ hai

ġharīboñ ke lab par to bas ik du'ā hai

amīroñ kī jeboñ meñ saarā jahāñ hai

ġhazal ham to bas keh rahe haiñ yūñhī ab

jo dil meñ hai poshīda vo to nihāñ hai

'bilāl' ab to har sū hai nafrat kā 'ālam

mohabbat kā qissa kahāñ ab bayāñ hai

na main hun yahan ab na tera nishan hai

faqat ranj-e-hijran faqat ek fughan hai

har ek shaKHs chehre pe pahre lagae

ye kaisi 'adalat ye kaisa saman hai

wafaon ka badla yahan be-wafai

'ajab rasm-e-duniya 'ajab karwan hai

kabhi ghar jala aur kabhi KHwab bikhre

sitam hi sitam hai saza hi yahan hai

mere dard ka koi darman nahin hai

faqat apni hasti mein apni hi jaan hai

gharibon ke lab par to bas ek du'a hai

amiron ki jebon mein sara jahan hai

ghazal hum to bas keh rahe hain yunhi ab

jo dil mein hai poshida wo to nihan hai

'bilal' ab to har su hai nafrat ka 'alam

mohabbat ka qissa kahan ab bayan hai