be-ghar hua hai kis liye tu ghar se nikal kar
be-ghar huā hai kis liye tū ghar se nikal kar
ye soch magar soch ke andar se nikal kar
kis kis ko navāzegī yahī dekhnā hai ab
ik raushnī phailī to hai patthar se nikal kar
us paar bhī kyā koī ujāloñ kā nagar hai
vo shaḳhs udhar jaatā hai kyuuñ ghar se nikal kar
hālāt kī maujoñ kā nahīñ koī bharosa
sāhil pe na yuuñ baiTh samundar se nikal kar
ḳhadshāt kī faujeñ tirī rāhoñ meñ khaḌī haiñ
jā.egā kahāñ lamhoñ ke lashkar se nikal kar
āvāz pe mat zor de ye shahr hai gūñgā
ehsās kā dar khol de bistar se nikal kar
kal raat mire saath bahut der talak thā
ik saaya tirī yaad ke paikar se nikal kar
be-ghar hua hai kis liye tu ghar se nikal kar
ye soch magar soch ke andar se nikal kar
kis kis ko nawazegi yahi dekhna hai ab
ek raushni phaili to hai patthar se nikal kar
us par bhi kya koi ujalon ka nagar hai
wo shaKHs udhar jata hai kyun ghar se nikal kar
haalat ki maujon ka nahin koi bharosa
sahil pe na yun baiTh samundar se nikal kar
KHadshat ki faujen teri rahon mein khaDi hain
jaega kahan lamhon ke lashkar se nikal kar
aawaz pe mat zor de ye shahr hai gunga
ehsas ka dar khol de bistar se nikal kar
kal raat mere sath bahut der talak tha
ek saya teri yaad ke paikar se nikal kar
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
