barahna ho gaye hain zaKHm kya kya

barahna ho gaye haiñ zaḳhm kyā kyā

saverā shām-e-ġham kā ho gayā kyā

qayāmat ho gayā chalnā bhī mujh ko

palaT kar dekhnā bhī thā tirā kyā

zabāñ ehsās kī sūkhī huī thī

badaltā mausamoñ kā zā.iqa kyā

bahut nazdīk aate jā rahe ho

bichhaḌne kā irāda kar liyā kyā

palaT kar aa gaye guzre zamāne

tumhārā naam kāġhaz par likhā kyā

baḌe muhtāt hote jā rahe ho

zamāne ne tumheñ samjhā diyā kyā

kise takte hue pathrā gaye ho

ḳhalāoñ meñ tumhārā kho gayā kyā

baḌe rangīn sapne aa rahe haiñ

'adīm' is niiñd se ab jāgnā kyā

barahna ho gaye hain zaKHm kya kya

sawera sham-e-gham ka ho gaya kya

qayamat ho gaya chalna bhi mujh ko

palaT kar dekhna bhi tha tera kya

zaban ehsas ki sukhi hui thi

badalta mausamon ka zaiqa kya

bahut nazdik aate ja rahe ho

bichhaDne ka irada kar liya kya

palaT kar aa gaye guzre zamane

tumhaara nam kaghaz par likha kya

baDe muhtat hote ja rahe ho

zamane ne tumhein samjha diya kya

kise takte hue pathra gaye ho

KHalaon mein tumhaara kho gaya kya

baDe rangin sapne aa rahe hain

'adim' is nind se ab jagna kya