ye hadisa to hua hi nahin hai tere baad
ye hādisa to huā hī nahīñ hai tere ba.ad
ġhazal kisī ko kahā hī nahīñ hai tere ba.ad
hai pur-sukūn samundar kuchh is tarah dil kā
ki jaise chāñd khilā hī nahīñ hai tere ba.ad
mahaktī raat se dil se qalam se kāġhaz se
kisī se rabt rakhā hī nahīñ hai tere ba.ad
ḳhayāl ḳhvāb fasāne kahāniyāñ thiiñ magar
vo ḳhat tujhe bhī likhā hī nahīñ hai tere ba.ad
kahāñ se mahkegī hoñToñ pe lams kī ḳhushbū
kisī ko maiñ ne chhuā hī nahīñ hai tere ba.ad
charāġh palkoñ pe 'āzar' kisī kī yādoñ kā
qasam ḳhudā kī jalā hī nahīñ hai tere ba.ad
ye hadisa to hua hi nahin hai tere baad
ghazal kisi ko kaha hi nahin hai tere baad
hai pur-sukun samundar kuchh is tarah dil ka
ki jaise chand khila hi nahin hai tere baad
mahakti raat se dil se qalam se kaghaz se
kisi se rabt rakha hi nahin hai tere baad
KHayal KHwab fasane kahaniyan thin magar
wo KHat tujhe bhi likha hi nahin hai tere baad
kahan se mahkegi honTon pe lams ki KHushbu
kisi ko main ne chhua hi nahin hai tere baad
charagh palkon pe 'azar' kisi ki yaadon ka
qasam KHuda ki jala hi nahin hai tere baad
- Book : Karwaan-e-Ghazal (Pg. 342)
- Author : Farooq Argali
- Publication : Farid Book Depot (Pvt.) Ltd (2004)
- Edition : 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
