tark-e-talluqat pe roya na tu na main

tark-e-ta.alluqāt pe royā na tū na maiñ

lekin ye kyā ki chain se soyā na tū na maiñ

hālāt ke tilism ne pathrā diyā magar

biite samoñ kī yaad meñ khoyā na tū na maiñ

har chand iḳhtilāf ke pahlū hazār the

vā kar sakā magar lab-e-goyā na tū na maiñ

nauhe fasīl-e-zabt se ūñche na ho sake

khul kar dayār-e-sañg meñ royā na tū na maiñ

jab bhī nazar uThī to falak kī taraf uThī

bar-gashta āsmān se goyā na tū na maiñ

tark-e-talluqat pe roya na tu na main

lekin ye kya ki chain se soya na tu na main

haalat ke tilism ne pathra diya magar

bite samon ki yaad mein khoya na tu na main

har chand iKHtilaf ke pahlu hazar the

wa kar saka magar lab-e-goya na tu na main

nauhe fasil-e-zabt se unche na ho sake

khul kar dayar-e-sang mein roya na tu na main

jab bhi nazar uThi to falak ki taraf uThi

bar-gashta aasman se goya na tu na main