phir bhi kitni der lagegi mere dil ko marne mein
phir bhī kitnī der lagegī mere dil ko marne meñ
tū bhī āḳhir kho jā.egā duniyā-dārī karne meñ
qarya qarya suunā hogā hariyālī jal jā.egī
paanī bhī to thak jā.egā dariyā dariyā bharne meñ
dhuñdlā dhuñdlā maazī hai aur dhuñdlī dhuñdlī yādeñ haiñ
kitnī muddat lag jaatī hai ashkoñ ko phir jharne meñ
din kī garmī meñ laayā huuñ duur se taaza ghaas miyāñ
kitnā lutf milā hogā ab chaupāyoñ ko charne meñ
kitnī bāteñ mil jā.eñgī us kī ik ḳhāmoshī se
jaane kyā kyā pinhāñ hogā 'bāsit' us ke Darne meñ
phir bhi kitni der lagegi mere dil ko marne mein
tu bhi aaKHir kho jaega duniya-dari karne mein
qarya qarya suna hoga hariyali jal jaegi
pani bhi to thak jaega dariya dariya bharne mein
dhundla dhundla mazi hai aur dhundli dhundli yaaden hain
kitni muddat lag jati hai ashkon ko phir jharne mein
din ki garmi mein laya hun dur se taza ghas miyan
kitna lutf mila hoga ab chaupayon ko charne mein
kitni baaten mil jaengi us ki ek KHamoshi se
jaane kya kya pinhan hoga 'basit' us ke Darne mein
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
