meri aankhon mein jo ye KHwab paDe rahte hain
merī āñkhoñ meñ jo ye ḳhvāb paḌe rahte haiñ
yūñhī chup-chāp tah-e-āb paḌe rahte haiñ
chhoḌ kar jaate parindoñ ne mujhe samjhāyā
ḳhushk hote hue tālāb paḌe rahte haiñ
is liye ghaav ziyāda haiñ mire siine pe
dushmanoñ meñ mire ahbāb baḌe rahte haiñ
ḳhvāhish-e-dast-e-hinā.ī dil-e-nādāñ meñ liye
jhoñpaḌoñ maiñ ka.ī mahtāb paḌe rahte haiñ
yaar 'nahrīr' kahāñ ab vo mukammal hoñge
nā-mukammal jo raheñ baab paḌe rahte haiñ
meri aankhon mein jo ye KHwab paDe rahte hain
yunhi chup-chap tah-e-ab paDe rahte hain
chhoD kar jate parindon ne mujhe samjhaya
KHushk hote hue talab paDe rahte hain
is liye ghaw ziyaada hain mere sine pe
dushmanon mein mere ahbab baDe rahte hain
KHwahish-e-dast-e-hinai dil-e-nadan mein liye
jhonpaDon main kai mahtab paDe rahte hain
yar 'nahrir' kahan ab wo mukammal honge
na-mukammal jo rahen bab paDe rahte hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
