karun na yaad magar kis tarah bhulaun use
karūñ na yaad magar kis tarah bhulā.ūñ use
ġhazal bahāna karūñ aur gungunā.ūñ use
vo ḳhaar ḳhaar hai shāḳh-e-gulāb kī mānind
maiñ zaḳhm zaḳhm huuñ phir bhī gale lagā.ūñ use
ye log tazkire karte haiñ apne logoñ ke
maiñ kaise baat karūñ ab kahāñ se lā.ūñ use
magar vo zūd-farāmosh zūd-ranj bhī hai
ki ruuTh jaa.e agar yaad kuchh dilā.ūñ use
vahī jo daulat-e-dil hai vahī jo rāhat-e-jāñ
tumhārī baat pe ai nāseho gañvā.ūñ use
jo ham-safar sar-e-manzil bichhaḌ rahā hai 'farāz'
ajab nahīñ hai agar yaad bhī na aa.uuñ use
karun na yaad magar kis tarah bhulaun use
ghazal bahana karun aur gungunaun use
wo KHar KHar hai shaKH-e-gulab ki manind
main zaKHm zaKHm hun phir bhi gale lagaun use
ye log tazkire karte hain apne logon ke
main kaise baat karun ab kahan se laun use
magar wo zud-faramosh zud-ranj bhi hai
ki ruTh jae agar yaad kuchh dilaun use
wahi jo daulat-e-dil hai wahi jo rahat-e-jaan
tumhaari baat pe ai naseho ganwaun use
jo ham-safar sar-e-manzil bichhaD raha hai 'faraaz'
ajab nahin hai agar yaad bhi na aaun use
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
