har ghaDi kar-e-mohabbat mein fughan hona tha

har ghaḌī kār-e-mohabbat meñ fuġhāñ honā thā

ashk ban kar mujhe āñkhoñ se ravāñ honā thā

'ishq-zādoñ se kahāñ kār-e-jahāñ honā thā

ho bhī jaatā to salīqe se kahāñ honā thā

kyā ḳhabar thī ki ye chaupāl ujaḌ jā.egī

ek qissa to abhī aur bayāñ honā thā

aag nafrat kī lagā.ī hai hamesha tum ne

ek din shahr kī galiyoñ ko dhuāñ honā thā

hazrat-e-shaiḳh unheñ sū-e-haram le aa.e

mai-kade jā ke jinheñ pīr-e-muġhāñ honā thā

apnī qismat meñ nahīñ thā ki sahar karte ham

ham charāġhoñ ko sar-e-shām dhuāñ honā thā

har ghaDi kar-e-mohabbat mein fughan hona tha

ashk ban kar mujhe aankhon se rawan hona tha

'ishq-zadon se kahan kar-e-jahan hona tha

ho bhi jata to saliqe se kahan hona tha

kya KHabar thi ki ye chaupal ujaD jaegi

ek qissa to abhi aur bayan hona tha

aag nafrat ki lagai hai hamesha tum ne

ek din shahr ki galiyon ko dhuan hona tha

hazrat-e-shaiKH unhen su-e-haram le aae

mai-kade ja ke jinhen pir-e-mughan hona tha

apni qismat mein nahin tha ki sahar karte hum

hum charaghon ko sar-e-sham dhuan hona tha