gham kare dur koi kis kis ka

ġham kare duur koī kis kis kā

hāl-e-ḳhasta hai saarī majlis kā

kaun ruḳhsat huā hai gulshan se

chehra utrā huā hai nargis kā

baiTh ke dar pe ek muddat se

rāsta dekhtā hai tū kis kā

bhuul baiThā tujhe vo 'arsa huā

intizār ab bhī hai tujhe jis kā

mujh se nazreñ churā rahe haiñ vahī

saath maiñ ne diyā hai jis jis kā

'aib se apne bā-ḳhabar vo kahāñ

'aib jo DhūñDtā ho jis-tis kā

ḳhud ko kahte haiñ 'mīr'-o-'ġhālib' sab

naam ginvā.e 'shams' kis kis kā

gham kare dur koi kis kis ka

haal-e-KHasta hai sari majlis ka

kaun ruKHsat hua hai gulshan se

chehra utra hua hai nargis ka

baiTh ke dar pe ek muddat se

rasta dekhta hai tu kis ka

bhul baiTha tujhe wo 'arsa hua

intizar ab bhi hai tujhe jis ka

mujh se nazren chura rahe hain wahi

sath main ne diya hai jis jis ka

'aib se apne ba-KHabar wo kahan

'aib jo DhunDta ho jis-tis ka

KHud ko kahte hain 'mir'-o-'ghaalib' sab

nam ginwae 'shams' kis kis ka