gham-e-ashiqi mein hun mubtala mujhe zindagi se gila nahin

ġham-e-'āshiqī meñ huuñ mubtalā mujhe zindagī se gila nahīñ

ye maraz to mujh ko 'azīz hai mujhe ārzū-e-shifā nahīñ

kahūñ kyā tujhe mire ham-nashīñ mirā 'ishq hai mirī zindagī

mirī justujū mirī aarzū mirā ḳhvāb is ke sivā nahīñ

tū kahāñ chalā mire ham-safar mujhe chhoḌ kar mire haal par

zarā ruk to jā mujhe ye batā ki tujhe bhī mujh se vafā nahīñ

mire dil ke saaz ko chheḌ kar sar-e-rāh yuuñ mujhe chhoḌ kar

bhalā kaun thā vo kidhar gayā koī naqsh us kā milā nahīñ

ġham-e-hijr se maiñ huuñ āshnā mujhe ārzū-e-visāl hai

ye 'ilāj aur ye mu'ālaja mire dard kī to davā nahīñ

ye maqām-e-sūd-o-ziyāñ hai kyā yahāñ zikr dil kā fuzūl hai

ye to be-vafāoñ kā shahr hai yahāñ koī ahl-e-vafā nahīñ

gham-e-'ashiqi mein hun mubtala mujhe zindagi se gila nahin

ye maraz to mujh ko 'aziz hai mujhe aarzu-e-shifa nahin

kahun kya tujhe mere ham-nashin mera 'ishq hai meri zindagi

meri justuju meri aarzu mera KHwab is ke siwa nahin

tu kahan chala mere ham-safar mujhe chhoD kar mere haal par

zara ruk to ja mujhe ye bata ki tujhe bhi mujh se wafa nahin

mere dil ke saz ko chheD kar sar-e-rah yun mujhe chhoD kar

bhala kaun tha wo kidhar gaya koi naqsh us ka mila nahin

gham-e-hijr se main hun aashna mujhe aarzu-e-visal hai

ye 'ilaj aur ye mu'alaja mere dard ki to dawa nahin

ye maqam-e-sud-o-ziyan hai kya yahan zikr dil ka fuzul hai

ye to be-wafaon ka shahr hai yahan koi ahl-e-wafa nahin