hijr mein ho gaya visal ka kya

hijr meñ ho gayā visāl kā kyā

ḳhvāb hī ban gayā ḳhayāl kā kyā

ḳhud-numā.ī pe ḳhaak Daalo tum

dekhnā shakl-e-be-misāl kā kyā

terī furqat ke din ḳhudā kaaTe

ho rahegā kabhī visāl kā kyā

dil ke dene meñ uzr kis ko hai

jaan hī de rahe haiñ maal kā kyā

haal us ne hamārā pūchhā hai

pūchhnā ab hamāre haal kā kyā

vasl kī iltijā pe bigḌe kyuuñ

sun ke chup ho raho savāl kā kyā

daur kī āshiqī gunāh nahīñ

dekh lete haiñ dekh-bhāl kā kyā

zulf ko kyuuñ jakaḌ ke bāñdhā hai

us ne bosa liyā thā gaal kā kyā

aaj tum kyuuñ malūl baiThe ho

vasl din hai mire visāl kā kyā

jab kahā tum se roz miltā huuñ

hañs ke kahne lage ḳhayāl kā kyā

qaul ke vaqt shart-e-fursat kyuuñ

daḳhl va.ade meñ ehtimāl kā kyā

rañj de kar jo ḳhush ho ai 'muztar'

us ko sadma mire malāl kā kyā

hijr mein ho gaya visal ka kya

KHwab hi ban gaya KHayal ka kya

KHud-numai pe KHak Dalo tum

dekhna shakl-e-be-misal ka kya

teri furqat ke din KHuda kaTe

ho rahega kabhi visal ka kya

dil ke dene mein uzr kis ko hai

jaan hi de rahe hain mal ka kya

haal us ne hamara puchha hai

puchhna ab hamare haal ka kya

wasl ki iltija pe bigDe kyun

sun ke chup ho raho sawal ka kya

daur ki aashiqi gunah nahin

dekh lete hain dekh-bhaal ka kya

zulf ko kyun jakaD ke bandha hai

us ne bosa liya tha gal ka kya

aaj tum kyun malul baiThe ho

wasl din hai mere visal ka kya

jab kaha tum se roz milta hun

hans ke kahne lage KHayal ka kya

qaul ke waqt shart-e-fursat kyun

daKHl wade mein ehtimal ka kya

ranj de kar jo KHush ho ai 'muztar'

us ko sadma mere malal ka kya