hayat-e-jawedan wale ne mara

hayāt-e-jāvedāñ vaale ne maarā

zabāñ de kar zabāñ vaale ne maarā

bashar ko is qafas meñ tañg kar ke

zamīñ o āsmāñ vaale ne maarā

nigāheñ kaam detī haiñ na rāheñ

makān o lā-makāñ vaale ne maarā

gavārā hai davāmī talḳh-kāmī

kisī mīThī zabāñ vaale ne maarā

nasīhat-gar ko samjhāo ḳhudārā

ki is sūd-o-ziyāñ vaale ne maarā

koī had bhī hai taslīm-o-razā kī

musalsal imtihāñ vaale ne maarā

vo dil meñ hai dil āñkhoñ meñ nihāñ hai

nishāñ de kar nishāñ vaale ne maarā

sū-e-manzil liye jaatā hai zālim

hameñ is kārvāñ vaale ne maarā

hamesha ke liye ḳhāmosh ho kar

na.ī tarz-e-fuġhāñ vaale ne maarā

mujhe kam-zarf kahlānā paḌegā

matā-e-do-jahāñ vaale ne maarā

hayat-e-jawedan wale ne mara

zaban de kar zaban wale ne mara

bashar ko is qafas mein tang kar ke

zamin o aasman wale ne mara

nigahen kaam deti hain na rahen

makan o la-makan wale ne mara

gawara hai dawami talKH-kaami

kisi miThi zaban wale ne mara

nasihat-gar ko samjhao KHudara

ki is sud-o-ziyan wale ne mara

koi had bhi hai taslim-o-raza ki

musalsal imtihan wale ne mara

wo dil mein hai dil aankhon mein nihan hai

nishan de kar nishan wale ne mara

su-e-manzil liye jata hai zalim

hamein is karwan wale ne mara

hamesha ke liye KHamosh ho kar

nai tarz-e-fughan wale ne mara

mujhe kam-zarf kahlana paDega

mata-e-do-jahan wale ne mara