Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kisi ko dhyan hi aaya na rut badalne ka

Mohsin Ehsan

kisi ko dhyan hi aaya na rut badalne ka

Mohsin Ehsan

MORE BYMohsin Ehsan

    kisī ko dhyān hī aayā na rut badalne kā

    thā intizār har ik ko havā ke chalne kā

    vahī purāne musāfir mile na.ī rah par

    thā iftiḳhār hameñ jin se bach nikalne kā

    ab ek dūsre ko muḌ ke dekhte bhī nahīñ

    kabhī thā zo'm bahut saath saath chalne kā

    vo sang-dil sahī āġhosh-e-ārzū meñ magar

    har ek pal use ehsās thā pighalne kā

    ghirā huā huuñ hisār-e-hayāt meñ kab se

    koī bhī rāsta miltā nahīñ nikalne kā

    gila nahīñ koī tujh se nigāh-e-nashsha-e-yār

    maiñ ḳhud girā ki irāda na thā sañbhalne kā

    tulū'-e-sub.h ḳhudā jaane kyā samāñ laa.e

    lagā hai shaam se dhaḌkā sā raat Dhalne kā

    visāl-e-yār meñ kab hai firāq-e-yār kī baat

    'ajīb lutf hai 'mohsin' vafā meñ jalne kā

    kisi ko dhyan hi aaya na rut badalne ka

    tha intizar har ek ko hawa ke chalne ka

    wahi purane musafir mile nai rah par

    tha iftiKHar hamein jin se bach nikalne ka

    ab ek dusre ko muD ke dekhte bhi nahin

    kabhi tha zo'm bahut sath sath chalne ka

    wo sang-dil sahi aaghosh-e-arzu mein magar

    har ek pal use ehsas tha pighalne ka

    ghira hua hun hisar-e-hayat mein kab se

    koi bhi rasta milta nahin nikalne ka

    gila nahin koi tujh se nigah-e-nashsha-e-yar

    main KHud gira ki irada na tha sanbhalne ka

    tulu'-e-subh KHuda jaane kya saman lae

    laga hai sham se dhaDka sa raat Dhalne ka

    visal-e-yar mein kab hai firaq-e-yar ki baat

    'ajib lutf hai 'mohsin' wafa mein jalne ka

    Tagged Under

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Click on any word to get its meaning

    Jashn-e-Rekhta 11th Edition | 29-30-31 Jan, 2027 Buy Tickets

    Speak Now