ashjar pe jab na kuchh raha bhi
ashjār pe jab na kuchh rahā bhī
shāḳhoñ meñ bilak paḌī havā bhī
ehsās ye kitnā jāñ-gusil hai
ehsās nahīñ use zarā bhī
kuchh bhī to na mere haath aayā
muTThī se nikal ga.ī havā bhī
duniyā to sadā thī mujh se bezār
ḳhāmosh rahā mirā ḳhudā bhī
jab 'azm-e-safar kiyā to phir kyā
zulmat hī sahī qadam baḌhā bhī
ashjar pe jab na kuchh raha bhi
shaKHon mein bilak paDi hawa bhi
ehsas ye kitna jaan-gusil hai
ehsas nahin use zara bhi
kuchh bhi to na mere hath aaya
muTThi se nikal gai hawa bhi
duniya to sada thi mujh se bezar
KHamosh raha mera KHuda bhi
jab 'azm-e-safar kiya to phir kya
zulmat hi sahi qadam baDha bhi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
