taraqqiyon ka naya daur rang laya hai

taraqqiyoñ kā nayā daur rang laayā hai

na.e samāj kā sūraj 'ufuq pe aayā hai

ubharte mehr kī dil-kash sunahrī kirnoñ meñ

vatan kā apne har ik zarra jagmagāyā hai

har ek manzil-e-dushvār sar kareñge ham

na.ī umang nayā hausla sajāyā hai

faroġh pā.egā ab uñgliyoñ kā fan sar-e-mū

‘urūs-e-'ilm-o-hunar ne naqāb uThāyā hai

fazā ne lī hai jo añgḌā.ī dil pukār uTThe

har ek suutr kā andāza man ko bhāyā hai

na.ī ravish hai chaman kī hai kār-o-bār nayā

na.ī bahār ne kaliyoñ ko gudgudāyā hai

malhār gā.eñgī pankhoñ pe gaañv kī pariyāñ

fazā suhānī hai abr-e-bahār chhāyā hai

vatan meñ raushnī hai aaj biis sūtroñ kī

sahar huī hai ujāloñ kā vaqt aaya hai

taraqqiyon ka naya daur rang laya hai

nae samaj ka suraj 'ufuq pe aaya hai

ubharte mehr ki dil-kash sunahri kirnon mein

watan ka apne har ek zarra jagmagaya hai

har ek manzil-e-dushwar sar karenge hum

nai umang naya hausla sajaya hai

farogh paega ab ungliyon ka fan sar-e-mu

‘urus-e-'ilm-o-hunar ne naqab uThaya hai

faza ne li hai jo angDai dil pukar uTThe

har ek sutr ka andaza man ko bhaya hai

nai rawish hai chaman ki hai kar-o-bar naya

nai bahaar ne kaliyon ko gudgudaya hai

malhaar gaengi pankhon pe ganw ki pariyan

faza suhani hai abr-e-bahaar chhaya hai

watan mein raushni hai aaj bis sutron ki

sahar hui hai ujalon ka waqt aaya hai