miTTi mein mila de ki juda ho nahin sakta
miTTī meñ milā de ki judā ho nahīñ saktā
ab is se ziyāda maiñ tirā ho nahīñ saktā
dahlīz pe rakh dī haiñ kisī shaḳhs ne āñkheñ
raushan kabhī itnā to diyā ho nahīñ saktā
bas tū mirī āvāz se āvāz milā de
phir dekh ki is shahr meñ kyā ho nahīñ saktā
ai maut mujhe tū ne musībat se nikālā
sayyād samajhtā thā rihā ho nahīñ saktā
is ḳhāk-e-badan ko kabhī pahuñchā de vahāñ bhī
kyā itnā karam bād-e-sabā ho nahīñ saktā
peshānī ko sajde bhī atā kar mire maulā
āñkhoñ se to ye qarz adā ho nahīñ saktā
darbār meñ jaanā mirā dushvār bahut hai
jo shaḳhs qalandar ho gadā ho nahīñ saktā
miTTi mein mila de ki juda ho nahin sakta
ab is se ziyaada main tera ho nahin sakta
dahliz pe rakh di hain kisi shaKHs ne aankhen
raushan kabhi itna to diya ho nahin sakta
bas tu meri aawaz se aawaz mila de
phir dekh ki is shahr mein kya ho nahin sakta
ai maut mujhe tu ne musibat se nikala
sayyaad samajhta tha riha ho nahin sakta
is KHak-e-badan ko kabhi pahuncha de wahan bhi
kya itna karam baad-e-saba ho nahin sakta
peshani ko sajde bhi ata kar mere maula
aankhon se to ye qarz ada ho nahin sakta
darbar mein jaana mera dushwar bahut hai
jo shaKHs qalandar ho gada ho nahin sakta
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
