jo main kamzor hota to ye dushwari zarur aati

jo maiñ kamzor hotā to ye dushvārī zarūr aatī

charāġh-e-dil bujhāne ke liye āñdhī zarūr aatī

vo jaisā hai use vaisā agar maiñ muñh pe keh detā

to mere qatl kī shāyad koī dhamkī zarūr aatī

hamesha be-hayā.ī se milā karte ho tum ham se

hayā-dāroñ meñ rahte to hayā-dārī zarūr aatī

apāhij be-sahārā baap ye kahtā hai ro ro kar

agar beTā rahā hotā to baisākhī zarūr aatī

use hālāt ne raste meñ shāyad rok rakkhā hai

vo phir panghaT pe bharne ke liye paanī zarūr aatī

bahut uljhā ke rakkhā hai hameñ gandī siyāsat ne

agar ham muttahid hote to ḳhush-hālī zarūr aatī

agar insāf hotā shahr ke aivān meñ 'muztar'

mire hisse meñ bhī do vaqt kī roTī zarūr aatī

jo main kamzor hota to ye dushwari zarur aati

charagh-e-dil bujhane ke liye aandhi zarur aati

wo jaisa hai use waisa agar main munh pe keh deta

to mere qatl ki shayad koi dhamki zarur aati

hamesha be-hayai se mila karte ho tum hum se

haya-daron mein rahte to haya-dari zarur aati

apahij be-sahaara bap ye kahta hai ro ro kar

agar beTa raha hota to baisakhi zarur aati

use haalat ne raste mein shayad rok rakkha hai

wo phir panghaT pe bharne ke liye pani zarur aati

bahut uljha ke rakkha hai hamein gandi siyasat ne

agar hum muttahid hote to KHush-haali zarur aati

agar insaf hota shahr ke aiwan mein 'muztar'

mere hisse mein bhi do waqt ki roTi zarur aati