har ek shaKHs ko ek tantane mein rakhti hai

har ek shaḳhs ko ik tantane meñ rakhtī hai

vo bhāñt bhāñt kī machhlī ghaḌe meñ rakhtī hai

tamām shahr ke dānishvaroñ ko vo zālim

asīr-e-zulf kiye āsare meñ rakhtī hai

vo gāliyāñ bhī agar de to sher-o-naġhma lage

zabāñ meñ loch ajab sur gale meñ rakhtī hai

use sharāb-e-tuhūrā kā tazkira bhī gunāh

ye baat aur hai sab ko nashe meñ rakhtī hai

har ik ko dard kī lazzat se āshnā kar ke

maze meñ rahtī hai sab ko maze meñ rakhtī hai

samajh ke haq vo har ehsān bhuul jaatī hai

magar har ek ḳhatā hāfize meñ rakhtī hai

use ḳhabar hai ki anjām-e-vasl kyā hogā

vo qurbatoñ kī tapish fāsle meñ rakhtī hai

sukūñ ke saa.e meñ shāyad use bhulā baiThe

mudām shahr ko ik zalzale meñ rakhtī hai

har ek shaKHs ko ek tantane mein rakhti hai

wo bhant bhant ki machhli ghaDe mein rakhti hai

tamam shahr ke danishwaron ko wo zalim

asir-e-zulf kiye aasare mein rakhti hai

wo galiyan bhi agar de to sher-o-naghma lage

zaban mein loch ajab sur gale mein rakhti hai

use sharab-e-tuhura ka tazkira bhi gunah

ye baat aur hai sab ko nashe mein rakhti hai

har ek ko dard ki lazzat se aashna kar ke

maze mein rahti hai sab ko maze mein rakhti hai

samajh ke haq wo har ehsan bhul jati hai

magar har ek KHata hafize mein rakhti hai

use KHabar hai ki anjam-e-wasl kya hoga

wo qurbaton ki tapish fasle mein rakhti hai

sukun ke sae mein shayad use bhula baiThe

mudam shahr ko ek zalzale mein rakhti hai