ہمیں پتہ ہے کہ پرچہ برا نہیں آیا

ہمیں پتہ ہے کہ پرچہ برا نہیں آیا

مگر تمہارا پڑھایا ہوا نہیں آیا

کسی کے حال پہ ہنسنے گیا تھا محفل میں

مگر میں لوٹ کے ہنستا ہوا نہیں آیا

میں شرمسار کہ پھر دیر ہو گئی مجھ کو

وہ سوچتا ہے کہ اچھا ہوا نہیں آیا

ہماری چیخ نے اک بھیڑ تو اکٹھا کی

مگر ہمارا پکارا ہوا نہیں آیا

تری طرح نہیں آسان واپسی میری

میں راستوں کو سمجھتا ہوا نہیں آیا

چنی وہ بس کہ زیادہ تھیں لڑکیاں جس میں

بچھڑ کے تجھ سے میں روتا ہوا نہیں آیا