hamare shauq ki ye intiha thi
hamāre shauq kī ye intihā thī
qadam rakkhā ki manzil rāstā thī
bichhaḌ ke Daar se ban ban phirā vo
hiran ko apnī kastūrī sazā thī
kabhī jo ḳhvāb thā vo pā liyā hai
magar jo kho ga.ī vo chiiz kyā thī
maiñ bachpan meñ khilaune toḌtā thā
mire anjām kī vo ibtidā thī
mohabbat mar ga.ī mujh ko bhī ġham hai
mire achchhe dinoñ kī āshnā thī
jise chhū luuñ maiñ vo ho jaa.e sonā
tujhe dekhā to jaanā bad-duā thī
marīz-e-ḳhvāb ko to ab shifā hai
magar duniyā baḌī kaḌvī davā thī
hamare shauq ki ye intiha thi
qadam rakkha ki manzil rasta thi
bichhaD ke Dar se ban ban phira wo
hiran ko apni kasturi saza thi
kabhi jo KHwab tha wo pa liya hai
magar jo kho gai wo chiz kya thi
main bachpan mein khilaune toDta tha
mere anjam ki wo ibtida thi
mohabbat mar gai mujh ko bhi gham hai
mere achchhe dinon ki aashna thi
jise chhu lun main wo ho jae sona
tujhe dekha to jaana bad-dua thi
mariz-e-KHwab ko to ab shifa hai
magar duniya baDi kaDwi dawa thi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
