hai ajib shahr ki zindagi na safar raha na qayam hai
hai ajiib shahr kī zindagī na safar rahā na qayām hai
kahīñ kārobār sī dopahar kahīñ bad-mizāj sī shaam hai
yūñhī roz milne kī aarzū baḌī rakh-rakhāv kī guftugū
ye sharāfateñ nahīñ be-ġharaz ise aap se koī kaam hai
kahāñ ab duāoñ kī barkateñ vo nasīhateñ vo hidāyateñ
ye mutālboñ kā ḳhulūs hai ye zarūratoñ kā salām hai
vo diloñ meñ aag lagā.egā maiñ diloñ kī aag bujhāuñgā
use apne kaam se kaam hai mujhe apne kaam se kaam hai
na udaas ho na malāl kar kisī baat kā na ḳhayāl kar
ka.ī saal ba.ad mile haiñ ham tire naam aaj kī shaam hai
koī naġhma dhuup ke gaañv sā koī naġhma shaam kī chhāñv sā
zarā in parindoñ se pūchhnā ye kalām kis kā kalām hai
hai ajib shahr ki zindagi na safar raha na qayam hai
kahin karobar si dopahar kahin bad-mizaj si sham hai
yunhi roz milne ki aarzu baDi rakh-rakhaw ki guftugu
ye sharafaten nahin be-gharaz ise aap se koi kaam hai
kahan ab duaon ki barkaten wo nasihaten wo hidayaten
ye mutalbon ka KHulus hai ye zaruraton ka salam hai
wo dilon mein aag lagaega main dilon ki aag bujhaunga
use apne kaam se kaam hai mujhe apne kaam se kaam hai
na udas ho na malal kar kisi baat ka na KHayal kar
kai sal baad mile hain hum tere nam aaj ki sham hai
koi naghma dhup ke ganw sa koi naghma sham ki chhanw sa
zara in parindon se puchhna ye kalam kis ka kalam hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
