han jise aashiqi nahin aati

haañ jise āshiqī nahīñ aatī

lazzat-e-zindagī nahīñ aatī

jaise us kā kabhī ye ghar hī na thā

dil meñ barsoñ ḳhushī nahīñ aatī

jab se bulbul asīr-e-dām huī

kisī gul ko hañsī nahīñ aatī

sab sharābī mujhe kaheñ tujh ko

sharm ai be-ḳhudī nahīñ aatī

yuuñ to aatī haiñ saikḌoñ bāteñ

vaqt par ek bhī nahīñ aatī

sochtā kyā hai pī bhī le zāhid

kuchh qayāmat abhī nahīñ aatī

intihā ġham kī is ko kahte haiñ

zaḳhm ko bhī hañsī nahīñ aatī

kauñdtī hai hazār rañg se barq

phir bhī shoḳhī tirī nahīñ aatī

sarf jab tak na ḳhūn-e-dil ho 'jalīl'

rañg par shā.erī nahīñ aatī

han jise aashiqi nahin aati

lazzat-e-zindagi nahin aati

jaise us ka kabhi ye ghar hi na tha

dil mein barson KHushi nahin aati

jab se bulbul asir-e-dam hui

kisi gul ko hansi nahin aati

sab sharabi mujhe kahen tujh ko

sharm ai be-KHudi nahin aati

yun to aati hain saikDon baaten

waqt par ek bhi nahin aati

sochta kya hai pi bhi le zahid

kuchh qayamat abhi nahin aati

intiha gham ki is ko kahte hain

zaKHm ko bhi hansi nahin aati

kaundti hai hazar rang se barq

phir bhi shoKHi teri nahin aati

sarf jab tak na KHun-e-dil ho 'jalil'

rang par shaeri nahin aati