is qadar talKHi-e-haalat nahin thi pahle

is qadar talḳhī-e-hālāt nahīñ thī pahle

kuchh na kuchh thī bhī to ye baat nahīñ thī pahle

'ishq bhī manzil-e-taslīm pe ruk jaatā thā

'aql mahsūr-e-ḳhurāfāt nahīñ thī pahle

shaam ko shaam kī sūrat meñ nahīñ dekhā thā

sub.h masrūf-e-munājāt nahīñ thī pahle

maiñ añdhere se Darā sahmā huā rahtā thā

merī sūraj se mulāqāt nahīñ thī pahle

maiñ bhī āzādī kī vaadī meñ rahā kartā thā

vo bhī parvarda-e-ḳhadshāt nahīñ thī pahle

is qadar talKHi-e-haalat nahin thi pahle

kuchh na kuchh thi bhi to ye baat nahin thi pahle

'ishq bhi manzil-e-taslim pe ruk jata tha

'aql mahsur-e-KHurafat nahin thi pahle

sham ko sham ki surat mein nahin dekha tha

subh masruf-e-munajat nahin thi pahle

main andhere se Dara sahma hua rahta tha

meri suraj se mulaqat nahin thi pahle

main bhi aazadi ki wadi mein raha karta tha

wo bhi parwarda-e-KHadshat nahin thi pahle