bahte dariyaon mein pani ki kami dekhna hai
bahte dariyāoñ meñ paanī kī kamī dekhnā hai
umr bhar mujh ko yahī tishna-labī dekhnā hai
rañj dil ko hai ki jī bhar ke nahīñ dekhā tujhe
ḳhauf is kā thā jo ā.inda kabhī dekhnā hai
shab kī tārīkī dar-e-ḳhvāb hamesha ko band
chand din ba.ad to duniyā meñ yahī dekhnā hai
ḳhuun ke qatroñ ne tūfān uThā rakkhā hai
ab rag-o-pai meñ mujhe barf jamī dekhnā hai
kis tarah reñgne lagte haiñ ye chalte hue log
yaaro kal dekhoge yā aaj abhī dekhnā hai
bahte dariyaon mein pani ki kami dekhna hai
umr bhar mujh ko yahi tishna-labi dekhna hai
ranj dil ko hai ki ji bhar ke nahin dekha tujhe
KHauf is ka tha jo aainda kabhi dekhna hai
shab ki tariki dar-e-KHwab hamesha ko band
chand din baad to duniya mein yahi dekhna hai
KHun ke qatron ne tufan uTha rakkha hai
ab rag-o-pai mein mujhe barf jami dekhna hai
kis tarah rengne lagte hain ye chalte hue log
yaro kal dekhoge ya aaj abhi dekhna hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
