badle hue haalat se Dar jata hun aksar
badle hue hālāt se Dar jaatā huuñ aksar
shīrāza-e-millat huuñ bikhar jaatā huuñ aksar
maiñ aisā safīnā huuñ ki sāhil kī sadā par
tūfān ke siine meñ utar jaatā huuñ aksar
maiñ maut ko paatā huuñ kabhī zer-e-kaf-e-pā
hastī ke gumāñ se bhī guzar jaatā huuñ aksar
marne kī ghaḌī aa.e to maiñ ziist kā tālib
jiine kā taqāzā ho to mar jaatā huuñ aksar
rahtā huuñ akelā maiñ bharī duniyā meñ 'vāsif'
le naam mirā koī to Dar jaatā huuñ aksar
badle hue haalat se Dar jata hun aksar
shiraaza-e-millat hun bikhar jata hun aksar
main aisa safina hun ki sahil ki sada par
tufan ke sine mein utar jata hun aksar
main maut ko pata hun kabhi zer-e-kaf-e-pa
hasti ke guman se bhi guzar jata hun aksar
marne ki ghaDi aae to main zist ka talib
jine ka taqaza ho to mar jata hun aksar
rahta hun akela main bhari duniya mein 'wasif'
le nam mera koi to Dar jata hun aksar
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
