qabil-e-faKHr mera chaak-e-gareban ho jae

qābil-e-faḳhr mirā chāk-e-garebāñ ho jaa.e

daaġh dāman kā jo māthe pe numāyāñ ho jaa.e

nā-ḳhudā kyuuñ na ḳhudā se bhī hirāsāñ ho jaa.e

mauj to mauj hai jab qatra bhī tūfāñ ho jaa.e

mehr se tere zamāne meñ charāġhāñ ho jaa.e

māh-e-kāmil mirā dāġh-e-ġham-e-'isyāñ ho jaa.e

lazzat-e-zīst hai ġham terī 'atā ke qurbāñ

maiñ to mar jā.ūñ agar dard kā darmāñ ho jaa.e

kuchh talab karte bhī ab Dartā huuñ ai dast-e-'atā

purze purze na mirī aas kā dāmāñ ho jaa.e

ek allāh ke bande ko ḳhudā maan liyā

yā ilāhī ye mirā kufr bhī īmāñ ho jaa.e

paar lag jaa.e safīnā ġham-e-hastī kā 'munīr'

dil kī kashtī kā jo allāh nigahbāñ ho jaa.e

qabil-e-faKHr mera chaak-e-gareban ho jae

dagh daman ka jo mathe pe numayan ho jae

na-KHuda kyun na KHuda se bhi hirasan ho jae

mauj to mauj hai jab qatra bhi tufan ho jae

mehr se tere zamane mein charaghan ho jae

mah-e-kaamil mera dagh-e-gham-e-'isyan ho jae

lazzat-e-zist hai gham teri 'ata ke qurban

main to mar jaun agar dard ka darman ho jae

kuchh talab karte bhi ab Darta hun ai dast-e-'ata

purze purze na meri aas ka daman ho jae

ek allah ke bande ko KHuda man liya

ya ilahi ye mera kufr bhi iman ho jae

par lag jae safina gham-e-hasti ka 'munir'

dil ki kashti ka jo allah nigahban ho jae