masihai nahin wo kar rahe hain
masīhā.ī nahīñ vo kar rahe haiñ
to phir ye zaḳhm kaise bhar rahe haiñ
bahut saare gunah to aaj kal ham
ḳhudā kā naam le kar kar rahe haiñ
chalo dekheñ tumhārā hausla ab
lo ham kashtī meñ paanī bhar rahe haiñ
to maz.hab jaan kar mātam karoge
ye kyā kam hai ki insāñ mar rahe haiñ
tumheñ mujh se shikāyat hai yahāñ log
ḳhudā se be-vafā.ī kar rahe haiñ
binā Thahre bahut chup-chāp āḳhir
ye dariyā kis kā pīchhā kar rahe haiñ
masihai nahin wo kar rahe hain
to phir ye zaKHm kaise bhar rahe hain
bahut sare gunah to aaj kal hum
KHuda ka nam le kar kar rahe hain
chalo dekhen tumhaara hausla ab
lo hum kashti mein pani bhar rahe hain
to mazhab jaan kar matam karoge
ye kya kam hai ki insan mar rahe hain
tumhein mujh se shikayat hai yahan log
KHuda se be-wafai kar rahe hain
bina Thahre bahut chup-chap aaKHir
ye dariya kis ka pichha kar rahe hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
