ishq par etibar humne kiya

'ishq par e'tibār ham ne kiyā

shahr kā pahlā pyaar ham ne kiyā

pūchhtā kaun thā tujhe ulfat

tujh pe jaañ dil nisār ham ne kiyā

ham salīqa-shi'ār kāfir haiñ

naaz bhī iḳhtiyār ham ne kiyā

lau lagāne kā falsafa kab thā

saañs tak kā shumār ham ne kiyā

ḳhud masīhā meñ hausla thā kahāñ

zaḳhm-e-dil tār-tār ham ne kiyā

thā gunah ḳhud se bāñdhnā ḳhud kā

jurm ye baar baar ham ne kiyā

apne paa.e ke ham hī 'fātir' the

ḳhud pe har baar vaar ham ne kiyā

'ishq par e'tibar hum ne kiya

shahr ka pahla pyar hum ne kiya

puchhta kaun tha tujhe ulfat

tujh pe jaan dil nisar hum ne kiya

hum saliqa-shi'ar kafir hain

naz bhi iKHtiyar hum ne kiya

lau lagane ka falsafa kab tha

sans tak ka shumar hum ne kiya

KHud masiha mein hausla tha kahan

zaKHm-e-dil tar-tar hum ne kiya

tha gunah KHud se bandhna KHud ka

jurm ye bar bar hum ne kiya

apne pae ke hum hi 'fatir' the

KHud pe har bar war hum ne kiya