be-gunahi ke gunahgar nazar aate hain
be-gunāhī ke gunahgār nazar aate haiñ
vo jiyāle jo sar-e-dār nazar aate haiñ
dekhiye aaj bhī hai husn-faroshoñ kā hujūm
ab bhī yūsuf ke ḳharīdār nazar aate haiñ
aap kā bhī vahī tevar hai taġhāful bhī vahī
aap bhī yaar tarahdār nazar aate haiñ
jin ko dīvāna samajhte haiñ zamāne vaale
sach jo pūchho vahī hushyār nazar aate haiñ
Dūbte jaate haiñ rah rah ke sitāre 'muztar'
ik na.ī sub.h ke āsār nazar aate haiñ
be-gunahi ke gunahgar nazar aate hain
wo jiyale jo sar-e-dar nazar aate hain
dekhiye aaj bhi hai husn-faroshon ka hujum
ab bhi yusuf ke KHaridar nazar aate hain
aap ka bhi wahi tewar hai taghaful bhi wahi
aap bhi yar tarahdar nazar aate hain
jin ko diwana samajhte hain zamane wale
sach jo puchho wahi hushyar nazar aate hain
Dubte jate hain rah rah ke sitare 'muztar'
ek nai subh ke aasar nazar aate hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
