jaras-e-dil ki sada ban ke chale

jaras-e-dil kī sadā ban ke chale

tū agar rāh-numā ban ke chale

mor-e-be-māya kī raftār chalūñ

tū agar ābla-pā ban ke chale

aarzū hai ki banūñ maiñ dariyā

aur tū mujh pe havā ban ke chale

kaash gulshan meñ guzārūñ koī shab

tū dam-e-sub.h sabā ban ke chale

maiñ rahūñ dasht meñ jā kar aur tū

chāñdnī-shab meñ balā ban ke chale

'aql-o-dānish tire qadmoñ pe nisār

tū agar hosh-rubā ban ke chale

jaras-e-dil ki sada ban ke chale

tu agar rah-numa ban ke chale

mor-e-be-maya ki raftar chalun

tu agar aabla-pa ban ke chale

aarzu hai ki banun main dariya

aur tu mujh pe hawa ban ke chale

kash gulshan mein guzarun koi shab

tu dam-e-subh saba ban ke chale

main rahun dasht mein ja kar aur tu

chandni-shab mein bala ban ke chale

'aql-o-danish tere qadmon pe nisar

tu agar hosh-ruba ban ke chale