Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

duniya bani to hamd-o-sana ban gai ghazal

Ganesh Bihari Tarz

duniya bani to hamd-o-sana ban gai ghazal

Ganesh Bihari Tarz

MORE BYGanesh Bihari Tarz

    duniyā banī to hamd-o-sanā ban ga.ī ġhazal

    utrā jo nuur nūr-e-ḳhudā ban ga.ī ġhazal

    gūñjā jo nād-e-brahm banī raqs-e-mehr-o-māh

    zarre jo thartharā.e sadā ban ga.ī ġhazal

    chamkī kahīñ jo barq to ehsās ban ga.ī

    chhā.ī kahīñ ghaTā to adā ban ga.ī ġhazal

    āñdhī chalī to qahr ke sāñche meñ Dhal ga.ī

    bād-e-sabā chalī to nasha ban ga.ī ġhazal

    haivāñ bane to bhuuk banī bebasī banī

    insāñ bane to jazb-e-vafā ban ga.ī ġhazal

    uTThā jo dard-e-'ishq to ashkoñ meñ Dhal ga.ī

    bechainiyāñ baḌhīñ to du'ā ban ga.ī ġhazal

    jaagī havas to ban ke uThī sho’la-e-sharāb

    TuuTā jo sabr laġhzish-e-pā ban ga.ī ġhazal

    zāhid ne pī to jām-e-fanā ban ke rah ga.ī

    rindoñ ne pī to jām-e-baqā ban ga.ī ġhazal

    arz-e-dakan meñ jaan to dehlī meñ dil banī

    aur shahr-e-lakhna.ū meñ hinā ban ga.ī ġhazal

    dohe rubā'ī nazm sabhī 'tarz' the magar

    asnāf-e-shā’irī kī ḳhudā ban ga.ī ġhazal

    duniya bani to hamd-o-sana ban gai ghazal

    utra jo nur nur-e-KHuda ban gai ghazal

    gunja jo nad-e-brahm bani raqs-e-mehr-o-mah

    zarre jo thartharae sada ban gai ghazal

    chamki kahin jo barq to ehsas ban gai

    chhai kahin ghaTa to ada ban gai ghazal

    aandhi chali to qahr ke sanche mein Dhal gai

    baad-e-saba chali to nasha ban gai ghazal

    haiwan bane to bhuk bani bebasi bani

    insan bane to jazb-e-wafa ban gai ghazal

    uTTha jo dard-e-'ishq to ashkon mein Dhal gai

    bechainiyan baDhin to du'a ban gai ghazal

    jagi hawas to ban ke uThi sho’la-e-sharab

    TuTa jo sabr laghzish-e-pa ban gai ghazal

    zahid ne pi to jam-e-fana ban ke rah gai

    rindon ne pi to jam-e-baqa ban gai ghazal

    arz-e-dakan mein jaan to dehli mein dil bani

    aur shahr-e-lakhnau mein hina ban gai ghazal

    dohe ruba'i nazm sabhi 'tarz' the magar

    asnaf-e-sha’iri ki KHuda ban gai ghazal

    Additional information available

    Click on the INTERESTING button to view additional information associated with this sher.

    OKAY

    About this sher

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Click on any word to get its meaning

    Jashn-e-Rekhta 11th Edition | 29-30-31 Jan, 2027 Buy Tickets

    Speak Now