wahi kamre hamein achchhe lage hain
vahī kamre hameñ achchhe lage haiñ
jahāñ par aaj bhī parde lage haiñ
tumhāre bin bahut be-rang hai ghar
dar-o-dīvār par jaale lage haiñ
koī to baat dil ko lag ga.ī hai
yuuñ hī thoḌī vo chup rahne lage haiñ
isī kamre meñ hī hogā ḳhazāna
miyāñ is meñ bahut taale lage haiñ
qayāmat aa ga.ī nazdīk shāyad
mohabbat ham se sab karne lage haiñ
shajar ko kāTnā vājib nahīñ hai
shajar par ab bhī kuchh patte lage haiñ
wahi kamre hamein achchhe lage hain
jahan par aaj bhi parde lage hain
tumhaare bin bahut be-rang hai ghar
dar-o-diwar par jale lage hain
koi to baat dil ko lag gai hai
yun hi thoDi wo chup rahne lage hain
isi kamre mein hi hoga KHazana
miyan is mein bahut tale lage hain
qayamat aa gai nazdik shayad
mohabbat hum se sab karne lage hain
shajar ko kaTna wajib nahin hai
shajar par ab bhi kuchh patte lage hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
