manzar koi manus-e-nazar bhi na milega
manzar koī mānūs-e-nazar bhī na milegā
tāḳhīr se lauToge to ghar bhī na milegā
ik ḳhaas bulandī pe haiñ teġhoñ kī qatāreñ
qad aur baḌhāoge to sar bhī na milegā
bachchoñ ne kiyā hai na.ī samtoñ kā ta'ayyun
ustād se ab koī hunar bhī na milegā
alfāz ke shahkār liye phirte ho 'sāhil'
in'ām to kyā zād-e-safar bhī na milegā
manzar koi manus-e-nazar bhi na milega
taKHir se lauToge to ghar bhi na milega
ek KHas bulandi pe hain teghon ki qataren
qad aur baDhaoge to sar bhi na milega
bachchon ne kiya hai nai samton ka ta'ayyun
ustad se ab koi hunar bhi na milega
alfaz ke shahkar liye phirte ho 'sahil'
in'am to kya zad-e-safar bhi na milega
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
