kam-sini se aashna hai ret se
kam-sinī se āshnā hai ret se
dil to ab bhī kheltā hai ret se
maiñ tire ghar kī hifāzat kyā karūñ
merā apnā ghar banā hai ret se
aap to sahrā ke rahne vaale haiñ
aap ko kyā mas.ala hai ret se
le gayā thā saath jo dariyā kabhī
sab barāmad ho rahā hai ret se
aur kyā duuñ maiñ mohabbat kā subūt
dekh merā sar bharā hai ret se
kam-sini se aashna hai ret se
dil to ab bhi khelta hai ret se
main tere ghar ki hifazat kya karun
mera apna ghar bana hai ret se
aap to sahra ke rahne wale hain
aap ko kya masala hai ret se
le gaya tha sath jo dariya kabhi
sab baramad ho raha hai ret se
aur kya dun main mohabbat ka subut
dekh mera sar bhara hai ret se
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
