aai jo shahr-e-zar ki hawa ghar badal gaya

aa.ī jo shahr-e-zar kī havā ghar badal gayā

pakke makāñ ke shauq meñ manzar badal gayā

dīvār-o-dar to ban gaye raunaq chalī ga.ī

rang-e-qabā to mil gayā paikar badal gayā

kachchī zamīñ pe girtī thī bārish kī būñdeñ sab

ab ke baras to chhat kā hī tevar badal gayā

vo niim kā shajar vo parindoñ ke chahchahe

patthar kī un chhatoñ meñ muqaddar badal gayā

the ham bhī us dayār meñ ik shāḳh par samar

āñdhī chalī havas kī to jauhar badal gayā

hasrat rahī ki ab koī pahchānegā hameñ

bastī vahī hai par yahāñ manzar badal gayā

kho kar mile haiñ ham ko ye ārām ke nishāñ

rāhat milī to niiñd kā bistar badal gayā

aai jo shahr-e-zar ki hawa ghar badal gaya

pakke makan ke shauq mein manzar badal gaya

diwar-o-dar to ban gaye raunaq chali gai

rang-e-qaba to mil gaya paikar badal gaya

kachchi zamin pe girti thi barish ki bunden sab

ab ke baras to chhat ka hi tewar badal gaya

wo nim ka shajar wo parindon ke chahchahe

patthar ki un chhaton mein muqaddar badal gaya

the hum bhi us dayar mein ek shaKH par samar

aandhi chali hawas ki to jauhar badal gaya

hasrat rahi ki ab koi pahchanega hamein

basti wahi hai par yahan manzar badal gaya

kho kar mile hain hum ko ye aaram ke nishan

rahat mili to nind ka bistar badal gaya