ghar ne apna hosh sambhaala din nikla

ghar ne apnā hosh sambhālā din niklā

khiḌkī meñ bhar gayā ujālā din niklā

laal gulābī huā ufuq kā darvāza

TuuT gayā sūraj kā taalā din niklā

peḌoñ pe chup rahne vaalī raag ga.ī

shāḳh shāḳh pe bolne vaalā din niklā

na.e na.e manzar āñkhoñ meñ phail ga.e

khulā koī rañgīn risālā din niklā

āñkheñ kholo ḳhvāb sameTo jaago bhī

'alvī' piyāre dekho saalā din niklā

ghar ne apna hosh sambhaala din nikla

khiDki mein bhar gaya ujala din nikla

lal gulabi hua ufuq ka darwaza

TuT gaya suraj ka tala din nikla

peDon pe chup rahne wali rag gai

shaKH shaKH pe bolne wala din nikla

nae nae manzar aankhon mein phail gae

khula koi rangin risala din nikla

aankhen kholo KHwab sameTo jago bhi

'alwi' piyare dekho sala din nikla