zindagi ke nam se waqif nahin
zindagī ke naam se vāqif nahīñ
jo ġham-o-ālām se vāqif nahīñ
tum ne dekhā hai faqat sub.hoñ kā nuur
tum savād-e-shām se vāqif nahīñ
ho mayassar jis se nā-kāmī faqat
ham to aise kaam se vāqif nahīñ
kyā vo samjhegā jahāñ kī chaal jo
gardish-e-ayyām se vāqif nahīñ
chal paḌe ho rāh-e-ulfat par magar
'nūr' tum anjām se vāqif nahīñ
zindagi ke nam se waqif nahin
jo gham-o-alam se waqif nahin
tum ne dekha hai faqat subhon ka nur
tum sawad-e-sham se waqif nahin
ho mayassar jis se na-kaami faqat
hum to aise kaam se waqif nahin
kya wo samjhega jahan ki chaal jo
gardish-e-ayyam se waqif nahin
chal paDe ho rah-e-ulfat par magar
'nur' tum anjam se waqif nahin
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
