zamane ne ghaw lagae hain kya kya
zamāne ne ghaav lagā.e haiñ kyā kyā
sitam ham-safar ne bhī Dhaa.e haiñ kyā kyā
faqat phuul ulfat ke bāñTe haiñ maiñ ne
magar ḳhaar badle meñ paa.e haiñ kyā kyā
kaTī 'umr rāhoñ meñ ab kyā batā.ūñ
ki hijrat ke sadme uThā.e haiñ kyā kyā
galī meñ raqīboñ kī kal tum ko dekhā
kahūñ kyā gumāñ dil meñ aa.e haiñ kyā kyā
vafā zindagī dil mohabbat du'ā.eñ
tire vāste dekh laa.e haiñ kyā kyā
zamane ne ghaw lagae hain kya kya
sitam ham-safar ne bhi Dhae hain kya kya
faqat phul ulfat ke banTe hain main ne
magar KHar badle mein pae hain kya kya
kaTi 'umr rahon mein ab kya bataun
ki hijrat ke sadme uThae hain kya kya
gali mein raqibon ki kal tum ko dekha
kahun kya guman dil mein aae hain kya kya
wafa zindagi dil mohabbat du'aen
tere waste dekh lae hain kya kya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
