ya-rab gham-e-hijran mein itna to kiya hota

yā-rab ġham-e-hijrāñ meñ itnā to kiyā hotā

jo haath jigar par hai vo dast-e-duā hotā

ik ishq kā ġham aafat aur us pe ye dil aafat

yā ġham na diyā hotā yā dil na diyā hotā

nākām-e-tamannā dil is soch meñ rahtā hai

yuuñ hotā to kyā hotā yuuñ hotā to kyā hotā

ummīd to bañdh jaatī taskīn to ho jaatī

va.ada na vafā karte va.ada to kiyā hotā

ġhairoñ se kahā tum ne ġhairoñ se sunā tum ne

kuchh ham se kahā hotā kuchh ham se sunā hotā

ya-rab gham-e-hijran mein itna to kiya hota

jo hath jigar par hai wo dast-e-dua hota

ek ishq ka gham aafat aur us pe ye dil aafat

ya gham na diya hota ya dil na diya hota

nakaam-e-tamanna dil is soch mein rahta hai

yun hota to kya hota yun hota to kya hota

ummid to bandh jati taskin to ho jati

wada na wafa karte wada to kiya hota

ghairon se kaha tum ne ghairon se suna tum ne

kuchh hum se kaha hota kuchh hum se suna hota