udasiyon ko wo aise kamal deta hai
udāsiyoñ ko vo aise kamāl detā hai
ġham-e-hayāt ko ġhazloñ meñ Dhaal detā hai
vo jab bhī likhtā hai sachchā.iyoñ ke afsāne
to kāġhazoñ se bhī ḳhushbū nikāl detā hai
bayān kartā hai jab mai-kade ke baare meñ
ka.ī sharīfoñ kī pagḌī uchhāl detā hai
charāġh le ke nikaltā hai jab vo hāthoñ par
to āftāb ko mushkil meñ Daal detā hai
'samar' kahīñ jo vafāoñ kī baat aa jaa.e
zamāna ab bhī hamārī misāl detā hai
udasiyon ko wo aise kamal deta hai
gham-e-hayat ko ghazlon mein Dhaal deta hai
wo jab bhi likhta hai sachchaiyon ke afsane
to kaghazon se bhi KHushbu nikal deta hai
bayan karta hai jab mai-kade ke bare mein
kai sharifon ki pagDi uchhaal deta hai
charagh le ke nikalta hai jab wo hathon par
to aaftab ko mushkil mein Dal deta hai
'samar' kahin jo wafaon ki baat aa jae
zamana ab bhi hamari misal deta hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
