tana-zan tha har koi hum par dil-e-nadan samet

tā'na-zan thā har koī ham par dil-e-nādāñ samet

ham ne chhoḌā shahr-e-rusvā.ī dar-e-jānāñ samet

is qadar afsurda-ḳhātir kaun mahfil se gayā

har kisī kī aañkh pur-nam hai dil-āzārāñ samet

jashn-e-maqtal thā bapā aur sirf bismil the hamīñ

ham ne sochā thā ki dekheñge ye din yārāñ samet

ik faqīh-e-shahr ko kyā dosh diije jab sabhī

mai-kade ke dushmanoñ meñ hoñ qadah-ḳhvārāñ samet

ye ra'ūnat tā-ba-kai ai dil-figārāñ dekhnā

ab giregā turra-e-sultāñ sar-e-sultāñ samet

vo to kyā aate shab-e-hijrāñ to kyā kaTtī 'farāz'

bujh ga.iiñ āḳhir ko sab sham'eñ charāġh-e-jāñ samet

ta'na-zan tha har koi hum par dil-e-nadan samet

hum ne chhoDa shahr-e-ruswai dar-e-jaanan samet

is qadar afsurda-KHatir kaun mahfil se gaya

har kisi ki aankh pur-nam hai dil-azaran samet

jashn-e-maqtal tha bapa aur sirf bismil the hamin

hum ne socha tha ki dekhenge ye din yaran samet

ek faqih-e-shahr ko kya dosh dije jab sabhi

mai-kade ke dushmanon mein hon qadah-KHwaran samet

ye ra'unat ta-ba-kai ai dil-figaran dekhna

ab girega turra-e-sultan sar-e-sultan samet

wo to kya aate shab-e-hijran to kya kaTti 'faraaz'

bujh gain aaKHir ko sab sham'en charagh-e-jaan samet