sham aate hi gham nikalta hai
shaam aate hī ġham nikaltā hai
saath sūraj ke dil bhī Dhaltā hai
maut aatī hai ḳhush-nasīboñ ko
mere jaisoñ ko ġham nigaltā hai
chhoTe bachchoñ sā hai mirā dil bhī
kuchh nahīñ kahtā bas machaltā hai
kaise bītegī zindagī tum bin
sochne par hī dam nikaltā hai
haar jaatī haiñ dhaḌkaneñ aksar
'ishq sāñsoñ se tez chaltā hai
muskurātā hai jab koī apnā
mere siine kā zaḳhm jaltā hai
tujh ko ġhairoñ ke saath dekhūñ to
zaḳhm bharne ke baa'd jaltā hai
miT hī jā.egā ġham bhī siine kā
'umr bhar kaun saath chaltā hai
sham aate hi gham nikalta hai
sath suraj ke dil bhi Dhalta hai
maut aati hai KHush-nasibon ko
mere jaison ko gham nigalta hai
chhoTe bachchon sa hai mera dil bhi
kuchh nahin kahta bas machalta hai
kaise bitegi zindagi tum bin
sochne par hi dam nikalta hai
haar jati hain dhaDkanen aksar
'ishq sanson se tez chalta hai
muskuraata hai jab koi apna
mere sine ka zaKHm jalta hai
tujh ko ghairon ke sath dekhun to
zaKHm bharne ke ba'd jalta hai
miT hi jaega gham bhi sine ka
'umr bhar kaun sath chalta hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
