phir nigah-e-yar barham ho gai
phir nigāh-e-yār barham ho ga.ī
zindagī kī chashm pur-nam ho ga.ī
kaise pūchhūñ kyā tumhāre dil meñ hai
quvvat-e-goyā.ī be-dam ho ga.ī
hai matā'-e-zīst mujh ko terā ġham
terī har ik yaad ham-dam ho ga.ī
laakh koshish kī magar ye zindagī
un kī zulfoñ kī tarah ḳham ho ga.ī
paḌ ga.ī jo un kī chashm-e-mehrbāñ
barq bhī dam bhar meñ shabnam ho ga.ī
ek kaalī raat ke saa.e ghane
us pe ye tanhā.ī paiham ho ga.ī
mai-kade se duur 'maikash' ho gaye
un kī mai-noshī bhī to kam ho ga.ī
phir nigah-e-yar barham ho gai
zindagi ki chashm pur-nam ho gai
kaise puchhun kya tumhaare dil mein hai
quwwat-e-goyai be-dam ho gai
hai mata'-e-zist mujh ko tera gham
teri har ek yaad ham-dam ho gai
lakh koshish ki magar ye zindagi
un ki zulfon ki tarah KHam ho gai
paD gai jo un ki chashm-e-mehrban
barq bhi dam bhar mein shabnam ho gai
ek kali raat ke sae ghane
us pe ye tanhai paiham ho gai
mai-kade se dur 'maikash' ho gaye
un ki mai-noshi bhi to kam ho gai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
