kaenat-e-dard ke hamil hain hum
kā.enāt-e-dard ke hāmil haiñ ham
jism hai saarā zamāna dil haiñ ham
aap to ġham se pareshāñ ho gaye
ham se miliye dard kī manzil haiñ ham
zindagī kī mā-hasal tanhā.iyāñ
log kahte haiñ ki ik mahfil haiñ ham
kyuuñ hamīñ ko muntaḳhab tū ne kiyā
ai nigāh-e-yār kis qābil haiñ ham
un kī har sāzish pe hai apnī nazar
sochte rahte haiñ vo ġhāfil haiñ ham
kyā batā.eñ 'nūr' apnā martaba
bas ruḳh-e-kaunain par ik til haiñ ham
kaenat-e-dard ke hamil hain hum
jism hai sara zamana dil hain hum
aap to gham se pareshan ho gaye
hum se miliye dard ki manzil hain hum
zindagi ki ma-hasal tanhaiyan
log kahte hain ki ek mahfil hain hum
kyun hamin ko muntaKHab tu ne kiya
ai nigah-e-yar kis qabil hain hum
un ki har sazish pe hai apni nazar
sochte rahte hain wo ghafil hain hum
kya bataen 'nur' apna martaba
bas ruKH-e-kaunain par ek til hain hum
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
