har lamha diye jate hain gham dekh raha hun

har lamha diye jaate haiñ ġham dekh rahā huuñ

apnoñ ke ye andāz-e-karam dekh rahā huuñ

sab chāñd sitāroñ kī taraf dauḌ rahe haiñ

chhup chhup ke maiñ bas apnā sanam dekh rahā huuñ

hañste hue ye kahnā ki pahchānā nahīñ hai

TuuTā hai mirā kaise bharam dekh rahā huuñ

sach bolne vaale se sabhī toḌ ke rishte

jhūTe kī taraf baḌhte qadam dekh rahā huuñ

lagtā hai ki ab 'ishq mukammal huā merā

hotā huā sar apnā qalam dekh rahā huuñ

aanā unheñ hotā to 'nizām' aa ga.e hote

siine se nikaltā huā dam dekh rahā huuñ

har lamha diye jate hain gham dekh raha hun

apnon ke ye andaz-e-karam dekh raha hun

sab chand sitaron ki taraf dauD rahe hain

chhup chhup ke main bas apna sanam dekh raha hun

hanste hue ye kahna ki pahchana nahin hai

TuTa hai mera kaise bharam dekh raha hun

sach bolne wale se sabhi toD ke rishte

jhuTe ki taraf baDhte qadam dekh raha hun

lagta hai ki ab 'ishq mukammal hua mera

hota hua sar apna qalam dekh raha hun

aana unhen hota to 'nizam' aa gae hote

sine se nikalta hua dam dekh raha hun