har ek dil ko sada gham ki nigahbani mein rahna hai
har ik dil ko sadā ġham kī nigahbānī meñ rahnā hai
kahāñ tak hogī āsānī pareshānī meñ rahnā hai
kahāñ se raas aa.egī bhalā un ko kabhī ḳhushkī
jinheñ hai pyaar paanī se jinheñ paanī meñ rahnā hai
mirī āñkhoñ meñ poshīda haiñ jaise raat ke manzar
mujhe to sub.h meñ bhī shab kī vīrānī meñ rahnā hai
ḳhatā karte haiñ dil meñ ḳhauf rakhte haiñ sazāoñ kā
vo ḳhush-qismat haiñ jin ko bhī pashemānī meñ rahnā hai
bahut mushkil hai duniyā meñ guzārā hosh vāloñ kā
mujhe kuchh din kī be-hoshī meñ be-dhyānī meñ rahnā hai
hameñ bhī dījiye 'farhān' koī phuul sā tohfa
hameñ bhī aap hī kī tarh hairānī meñ rahnā hai
har ek dil ko sada gham ki nigahbani mein rahna hai
kahan tak hogi aasani pareshani mein rahna hai
kahan se ras aaegi bhala un ko kabhi KHushki
jinhen hai pyar pani se jinhen pani mein rahna hai
meri aankhon mein poshida hain jaise raat ke manzar
mujhe to subh mein bhi shab ki virani mein rahna hai
KHata karte hain dil mein KHauf rakhte hain sazaon ka
wo KHush-qismat hain jin ko bhi pashemani mein rahna hai
bahut mushkil hai duniya mein guzara hosh walon ka
mujhe kuchh din ki be-hoshi mein be-dhyani mein rahna hai
hamein bhi dijiye 'farhan' koi phul sa tohfa
hamein bhi aap hi ki tarh hairani mein rahna hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
