gham ko sine se laga kar kya karen

ġham ko siine se lagā kar kyā kareñ

ashk āñkhoñ se bahā kar kyā kareñ

terī marzī se hī hogā faisla

hukm koī ham sunā kar kyā kareñ

jānte haiñ aap ke har ruḳh ko ham

chehre se parda haTā kar kyā kareñ

jab diloñ kā rabt hī baaqī nahīñ

Dhoñg ulfat kā rachā kar kyā kareñ

ab to hāthoñ kī lakīreñ miT ga.iiñ

ḳhvāb āñkhoñ meñ sajā kar kyā kareñ

jald mil jā.egī tum ko bhī ḳhabar

sach abhī tum ko batā kar kyā kareñ

honā thā 'mīsāq' jo vo ho gayā

ab bhalā aañsū bahā kar kyā kareñ

gham ko sine se laga kar kya karen

ashk aankhon se baha kar kya karen

teri marzi se hi hoga faisla

hukm koi hum suna kar kya karen

jaante hain aap ke har ruKH ko hum

chehre se parda haTa kar kya karen

jab dilon ka rabt hi baqi nahin

Dhong ulfat ka racha kar kya karen

ab to hathon ki lakiren miT gain

KHwab aankhon mein saja kar kya karen

jald mil jaegi tum ko bhi KHabar

sach abhi tum ko bata kar kya karen

hona tha 'misaq' jo wo ho gaya

ab bhala aansu baha kar kya karen