gham kis ko sunaun ki bahana hi nahin hai
ġham kis ko sunā.ūñ ki bahāna hī nahīñ hai
aañsū to haiñ lekin koī shāna hī nahīñ hai
ummīd na ḳhvāhish na masarrat na sukūñ hai
is dil meñ kisī shai kā Thikāna hī nahīñ hai
maqsūd-e-safar hai so mirī pyaas baḌhā do
maqsūd mirā pyaas bujhānā hī nahīñ hai
har rut ke thapeḌoñ meñ bhī baiThā huuñ yahīñ maiñ
kūche ko tire chhoḌ ke jaanā hī nahīñ hai
bhūlā huuñ maiñ har dard ḳhushī bhuul chukā huuñ
is dil ne tirā dard bhulānā hī nahīñ hai
gham kis ko sunaun ki bahana hi nahin hai
aansu to hain lekin koi shana hi nahin hai
ummid na KHwahish na masarrat na sukun hai
is dil mein kisi shai ka Thikana hi nahin hai
maqsud-e-safar hai so meri pyas baDha do
maqsud mera pyas bujhana hi nahin hai
har rut ke thapeDon mein bhi baiTha hun yahin main
kuche ko tere chhoD ke jaana hi nahin hai
bhula hun main har dard KHushi bhul chuka hun
is dil ne tera dard bhulana hi nahin hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
