gham ka tufan guzar nahin jata
ġham kā tūfāñ guzar nahīñ jaatā
dil kā dariyā utar nahīñ jaatā
'umr guzrī to ye khulā ki koī
laakh tanhā ho mar nahīñ jaatā
shahr rakhtā hai us ko āvāra
vo sar-e-shām ghar nahīñ jaatā
kis ko dekhā ki aaj tak dil se
ḳhvāb jaisā asar nahīñ jaatā
us ke band-e-qabā ke khulte hī
husn kyā kyā nikhar nahīñ jaatā
raah se jaise ho nishāñ na alag
sar se ye zaḳhm-e-sar nahīñ jaatā
vaqt kā sail hī muqaddar hai
koī lamha Thahar nahīñ jaatā
gham ka tufan guzar nahin jata
dil ka dariya utar nahin jata
'umr guzri to ye khula ki koi
lakh tanha ho mar nahin jata
shahr rakhta hai us ko aawara
wo sar-e-sham ghar nahin jata
kis ko dekha ki aaj tak dil se
KHwab jaisa asar nahin jata
us ke band-e-qaba ke khulte hi
husn kya kya nikhar nahin jata
rah se jaise ho nishan na alag
sar se ye zaKHm-e-sar nahin jata
waqt ka sail hi muqaddar hai
koi lamha Thahar nahin jata
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
